影片
更多
2022-10-13
59 浏览
天气开始变凉，又嚟到打边炉嘅季节。之前网上见到位于天后嘅「叁不馆」好似唔错，呢晚我哋专登订定枱到访。虽然系平日晚上，不过餐厅人气好高，全场满座👏🎬。店家花咗好多心机去装修，令到每一个角落都成为打卡点，门口摆放咗闪亮灯箱、墙身油咗壁画🎨、贴上海报以及写满大字等，尽显怀旧复古风格。餐牌设计同样精美，成份马经咁📰，另外又有广东话揭后语玩。呢度所提供嘅食材款式多完化，价钱就属中上水平啦，不过啲料系靓嘅。即使全场都滚啊滚啊、烚啊烚啊🔥，但食完离开个身竟然冇一大浸味，证明餐厅抽风掂。莫生气椰椰鸡汤($178)，喺冇睇过餐牌嘅情况下，我哋已经决定拣呢款汤底😎，主因系餐厅充斥住好香嘅椰味。椰子鸡汤真材实料，店员喺客人面前将新鲜椰水倒入汤底🥥，然后等佢滚多阵，再放鸡肉🐔，啲鸡渌完都仲好嫩滑。店员温馨提示我哋先品尝一碗原汁原味嘅鸡汤，再打边炉。佢果然无介绍错，🍲汤底好好饮，唔会过咸、亦唔肥腻，最终忍唔住饮咗半锅。顶级安格斯牛颈脊($268/例牌)，🥩就咁睇价钱会觉得牛肉定价唔平，但考虑到质素同份量，尚算物有所值。估唔到例牌都咁大碟，我谂有超过廿几块😳，唔使悭住食。每块牛颈脊大小厚薄适中，纹理平均，食落肉味
天气开始变凉，又嚟到打边炉嘅季节。之前网上见到位于天后嘅「叁不馆」好似唔错，呢晚我哋专登订定枱到访。虽然系平日晚上，不过餐厅人气好高，全场满座👏🎬。
店家花咗好多心机去装修，令到每一个角落都成为打卡点，门口摆放咗闪亮灯箱、墙身油咗壁画🎨、贴上海报以及写满大字等，尽显怀旧复古风格。
餐牌设计同样精美，成份马经咁📰，另外又有广东话揭后语玩。呢度所提供嘅食材款式多完化，价钱就属中上水平啦，不过啲料系靓嘅。
即使全场都滚啊滚啊、烚啊烚啊🔥，但食完离开个身竟然冇一大浸味，证明餐厅抽风掂。
莫生气椰椰鸡汤
$178
1 浏览
0 赞好
0 留言
顶级安格斯牛颈脊
$268
1 浏览
0 赞好
0 留言
手打五宝丸
$98
1 浏览
0 赞好
0 留言
手打墨鱼滑($88)，🦑墨鱼滑好大球，可以分到八至十粒。墨鱼滑再加蟹籽，相当鲜味，而佢口感亦好正，弹牙不在话下，仲要食得到墨鱼肉。
油麦菜($42)，💚菜就冇乜好讲，不过肯定嘅系佢洗得干净。
竹蔗茅根海底椰($48/榨)，打边炉热气嘛，所以要饮返啲嘢清润一下，竹蔗茅根就帮到手。$48大大榨，抵饮。佢冰冰凉凉，甜度得宜👍。
题外话，酱油费每位$18，餐厅自家整嘅蒜油好惹味，值得一试。餐前小食$20碟，有青瓜同花生，青瓜嘅麻辣味好正宗🥒。
总括嚟讲，叁不馆系美食与打卡并重嘅代表🚨，嚟呢度并唔系斋食装修，食物质素同样有水准，个人私心推介椰椰鸡汤。
张贴
