行完Donki攰攰地於是決定搵個地方坐下兼食D野，沿住海邊行其實都有好幾間餐廳可以揀下，最後我個Friend話試呢間，因為佢話間餐廳嘅裝修好靚woo。由於無Tea Set，於是諗住叫個Appetizer再加個Pizza，因為見隔離枱嗰個Pizza好似好正，不過喺臨落Order之前比我發現佢有豬手，問咗個Waitress知道個豬手都唔細份，所以最後就點了一個豬手兩個人食，唔夠先再嗌。豬手上枱時真心覺得好彩，因為估唔到$188的豬手竟然係大Size，呢個Size出面好多餐廳起碼要二百幾蚊。隻豬手皮脆肉嫩，薯條墊底，再配少少沙律菜，味道唔錯，個人覺得如果有埋德國常見嘅酸椰菜，同埋如果有埋有一粒粒籽嗰隻甜芥辣會再正D。值得一讚係雖然坐室內有冷氣，加上咁大隻豬手所以要食好耐，但係食到尾都無影響佢塊皮嘅脆度，難得。
