影片
更多
2016-08-31
282 浏览
觀塘近幾年在政府既大力推動下大變天，除左多左好多商廈，亦都多左好多特式餐廳進駐。今日去開觀塘呢邊整野，之後再JOIN埋老公過黎一齊食dinner。周圍行下，睇下附近有咩食。過左AIA後再行前少少，竟然見到呢間裝修充滿外國風既餐廳，價錢又唔係好貴。餐廳地方好大，除左我地坐果邊之外，仲會有另一邊。不過都差唔多full場咁濟。點完餐後，店員就送上麵包，配黑醋同欖橄油。不過我麻麻地黑醋，所以就咁食。不過有D人覺得點D黑醋、欖橄油，可以開胃D。真係睇你平時習慣。小食拼盤 $138先黎個小食拼盤。其實小食併盤真係唔錯既選擇。因為佢一個併盤會併幾樣唔同既小食，叫一個就可以詆幾款，但係份量又唔會太多，唔使突登叫幾款唔同味食。呢到既小食併盤有西芹、水牛城辣雞翼、薯條、芝士煙肉薯皮同埋芝士雞肉薄餅。每款大概有2-3舊，仲配有4隻source (藍芝士醬 / 酸忌廉 / 番茄醬 / 牛油果醬)。芝士煙肉薯皮一般餐廳都會整到封薯皮好薄，薯肉好少，所以焗完就會好脆口。但係呢到既薯肉都幾多，雖然無出面咁脆身，但加埋D芝士煙肉醬，都幾好味，仲可以飽肚D添 XD水牛城辣雞翼呢到比起出面食到既，無咁辣，但係反而岩岩好，
餐廳地方好大，除左我地坐果邊之外，仲會有另一邊。不過都差唔多full場咁濟。點完餐後，店員就送上麵包，配黑醋同欖橄油。不過我麻麻地黑醋，所以就咁食。不過有D人覺得點D黑醋、欖橄油，可以開胃D。真係睇你平時習慣。
小食拼盤 $138先黎個小食拼盤。其實小食併盤真係唔錯既選擇。因為佢一個併盤會併幾樣唔同既小食，叫一個就可以詆幾款，但係份量又唔會太多，唔使突登叫幾款唔同味食。呢到既小食併盤有西芹、水牛城辣雞翼、薯條、芝士煙肉薯皮同埋芝士雞肉薄餅。每款大概有2-3舊，仲配有4隻source (藍芝士醬 / 酸忌廉 / 番茄醬 / 牛油果醬)。
芝士煙肉薯皮一般餐廳都會整到封薯皮好薄，薯肉好少，所以焗完就會好脆口。但係呢到既薯肉都幾多，雖然無出面咁脆身，但加埋D芝士煙肉醬，都幾好味，仲可以飽肚D添 XD
水牛城辣雞翼呢到比起出面食到既，無咁辣，但係反而岩岩好，因為連雞肉都入埋味。芝士雞肉薄餅既餅皮好軟熟、煙韌，餡料用左芝士雞肉，好特別。
Moreish bueger $118
本來想試店員介紹既三文治，但係太好賣既關係，今日收工黎到已經sold out，所以試下呢個Moreish bueger。牛肉可以揀幾多成熟，所以我叫左5成。由於製作需時，所以都等左一陣。不過好彩可以食住個小食併盤先。Burger賣相唔錯，又有岩岩炸起既粗薯條。可惜burger係原個上，無幫我切開，唔知係唔係要講定先，如果share食就要自己cut開。呢個burger好足料，牛肉好厚身，夾住好多新鮮既配料，芝士、生菜、蕃茄等，啖啖都有豐富既肉汁，好juicy。
而且我地叫既係5成熟，廚師既火喉控制得岩岩好，牛肉係生與熟之間。
手工啤酒 Brother Cider / Gweilo IPA $48 (HH)
我地另外點左2支手工啤酒，我果支係brother cider (Toffee Apple)，而老公點果係Gweilo IPA，又叫鬼佬。Brother cider飲落去好香果味，無嘜啤酒既苦澀味，好易入口，岩我呢D唔係好飲得既女仔。Gweilo既酒濃度比較高，所以我都係試左一啖，接受到重味D既，可能呢個會岩佢地多D。
张贴
