影片
更多
2014-11-11
476 浏览
早前喺朋友嘅飲食情報得知尖沙咀嘅「AGURA 東京ラーメン」變左做「武士拉麵」。心諗已經再冇機會食番嗰碗超濃厚豬骨湯拉麵...但係見到網上唔少人都對「武士拉麵」給予好評。所以身為拉麵迷嘅小弟喺上星期就去拜見依位「武士」!!!以下將會介紹店家其中兩款口味較為特別嘅拉麵：《季節限定拉麵》---「熊本豬軟骨拉麵」據店家主理人Sam師傅講每一季佢都會出一款新口味嘅系列~~~豬軟骨方面: 豬軟骨大大塊!!! 咬落去非常淋且入味~~~好好食!!!相信店家用左好多時間黎炆豬軟骨同醬汁，佳作!!!味玉方面: 流心處理算係小弟食過咁多間之中較為滿意嘅一間~不過蛋身味道就比較淡...麵條方面: 小弟揀左「幼麵」。硬度揀左「硬」。要讚一讚店方採用嘅麵條~因為啲麵條入口有好重嘅蛋香，味道層次提升!而且麵條硬得黎有靭度...食落去啲麵條有「噍頭」! 令食惑豐富左~掛湯能力出色! 食每口麵都可以品嚐到濃厚嘅豬骨湯味!依隻麵條嘅質感應該係小弟食過咁多間之中比較上乘嘅一間~湯底方面: 用上90%豬骨、10%水嘅比例而成。濃度無可挑剔!至啱鍾意濃味嘅朋友!湯底雖然濃厚，但唔太咸...而且飲落去相當順口~湯底表現滿意!!
以下將會介紹店家其中兩款口味較為特別嘅拉麵：
《季節限定拉麵》---「熊本豬軟骨拉麵」據店家主理人Sam師傅講每一季佢都會出一款新口味嘅系列~~~
豬軟骨方面: 豬軟骨大大塊!!! 咬落去非常淋且入味~~~好好食!!!相信店家用左好多時間黎炆豬軟骨同醬汁，佳作!!!
味玉方面: 流心處理算係小弟食過咁多間之中較為滿意嘅一間~不過蛋身味道就比較淡...
麵條方面: 小弟揀左「幼麵」。硬度揀左「硬」。要讚一讚店方採用嘅麵條~因為啲麵條入口有好重嘅蛋香，味道層次提升!
而且麵條硬得黎有靭度...食落去啲麵條有「噍頭」! 令食惑豐富左~
掛湯能力出色! 食每口麵都可以品嚐到濃厚嘅豬骨湯味!
依隻麵條嘅質感應該係小弟食過咁多間之中比較上乘嘅一間~
湯底方面: 用上90%豬骨、10%水嘅比例而成。濃度無可挑剔!至啱鍾意濃味嘅朋友!
湯底雖然濃厚，但唔太咸...而且飲落去相當順口~
湯底表現滿意!!!
------------------------------
《武士店長特選拉麵》---「柚子芥末醬沾麵」據店家主理人Sam師傅講每三個月就會更換一款口味嘅沾麵系列。
賣相方面: 比起有湯拉麵...小弟會更加留意沾麵嘅賣相。
因為一個好嘅賣相就反映左師傅用心烹調嘅程度!
我都幾鍾意將麵條捲起疊高依種做法...睇起黎會美觀啲~
而其他配料都排得好整齊~感覺唔錯!
叉燒方面: 叉燒屬日本出品。採用左「肩肉」部份。日本貨確實係唔同...肉味重~
肉質唔錯~唔會夾上黎就散開一節節...
醬汁浸過嘅厚切叉燒有輕微燒過，咬感好滿足~叉燒表面落左黑胡椒...惹味!
不過只得一塊叉燒實在係唔夠侯...建議增加到兩塊。
(P.S：本身係得一塊叉燒...上圖嘅第二塊係另外加錢。)
麵條方面: 小弟揀左「粗麵」。硬度揀左「普通」。揀粗麵係因為用粗麵沾嗰湯嘅話...範圍大左，掛到嘅汁就會自然多左，食落口嘅滿足感會比幼麵好~
硬度揀普通係因為沾麵本身已經係湯同麵分上...所以唔怕出現麵會浸淋嘅情況。
麵條用筷子夾起冇多餘水份...證明篩水動作做足~因為麵條乾爽先可以沾到嗰湯嘅真正味道，相反會破壞個湯底...
至於粗麵嘅質素同幼麵差唔多，掛湯能力依然出色!
湯底方面: 「柚子芥末醬」口味相信暫時係全港獨有!!!一開始Sam師傅叫小弟估下個湯底係咩...
第一啖飲落去嗰陣真係有種好奇妙嘅感覺~估唔到呀!
原來嗰種清爽感係柚子，而嗰陣辣味就係芥末~
兩者比例估計係7:3。始終芥末醬味重啲...
芥末醬嘅辣味係在下依啲唔太食辣嘅人都接受到嘅程度，柚子嘅微微酸味亦稍為平衡左嗰辣味~
兩種味道出奇地夾!感覺好過隱~令人一食再食!
不過唯一美中不足係沾麵嘅湯底會好快凍...食到最後1/3嘅時候湯底半溫狀態，熱度唔夠持久...
------------------------------
整結: 「熊本豬軟骨拉麵」嘅豬骨湯底嘅濃度已經完勝一切!
而且$88嘅價錢可以享受到一塊又大又好味嘅豬軟骨...
小弟覺得已經係交足功課!
「柚子芥末醬沾麵」口味創新...論新鮮感一定係第一!
從未冇諗過柚子同芥末醬夾出黎嘅可以咁有驚喜~
試過一次已經對依個湯底好深刻~
$108可以試到個咁獨特嘅沾麵...小弟覺得值得!
《武士店長特選拉麵》絕對係店家嘅「殺手澗」!!!
------------------------------
額外資訊: 上圖所見嘅依支「拉麵胡椒」其實喺日本嗰邊已然出左好耐...係近依幾月俾人發現加少少落去湯底度...味道會有所提升!
依家喺日本嘅拉麵店已經開始廣泛使用~
------------------------------
後記: 首先係餐牌。用戰國各有名嘅武士黎做選擇的確有趣~
《季節限定拉麵》同《武士店長特選拉麵》係咩唔會張貼出黎...小弟覺得依個做法唔錯~起碼可以保持神秘感同期待度。
服務方面，店員會主動招呼客人~而Sam師傅亦會好有禮貌咁不時問客人「味道點呀?」之類嘅問題同意見。
Sam師傅主動去同客人交流~依樣野真係要俾個讚! 因為好少舖頭會做得到...
同Sam師傅交談中，知道左佢之前曾經喺日本嘅拉麵店工作過。難怪佢咁清楚日本拉麵界嘅情況...
小弟都喺Sam師傅身上收集到一啲唔錯嘅拉麵情報~
其中一樣就係依家日本拉麵店係用咩方法去保持沾麵湯底熱度嘅情報，嗰解決方法都幾出乎意料~
而依個解決方法Sam師傅都係喺隨後日子使用。至於嗰解決方法係咩就唔講住...等大家自己去體驗一下~
小弟下次幫襯都會去試下嗰解決方法同感受下嗰效果係如何~
不過小弟就最欣賞嘅態度!Sam師傅講過唔可以一成不變...依個正正係一個廚師需求嘅態度!
就以《季節限定拉麵》同《武士店長特選拉麵》嘅款式定期改變同埋追求令味道提升嘅辦法就睇到Sam師傅嘅認真態度!
「熊本豬軟骨拉麵」同「柚子芥末醬沾麵」嘅推廣期會喺依兩、三個月之內完結。
黎緊嘅新款式...小弟真係好期待呀!!!
希望Sam師傅繼續進歩!帶更多新口味俾大家~~~!!!
题外话/补充资料：
12月《季節限定拉麵》嘅款式為「咖哩海鮮拉麵」。
1月《武士店長特選拉麵》嘅款式為「蟹湯沾麵」。
(以上食记乃用户个人意见 , 并不代表OpenRice之观点。)
张贴
