彤粵菜小館 (已結業)

今次同好姊妹黎試下尖沙咀呢間新開既彤粵菜小館，一入到去店員就好有禮貌咁招呼我地，印象好好😌😍 黃金炸魚皮 $68魚皮一碟份量好多，性價比好高呀，而且塊塊炸到金黃色，咸蛋既咸香令魚皮好好食，脆卜卜既魚皮令人食到停唔到口呀！🥗草原風波 $98咁特別既名原來係牛展絲配柚子汁，牛展有趙頭，加埋其他青椒絲紅椒絲，又酸又甜，口感好正，開胃岩晒！🥘青咖喱雞配薄餅 $218唔太辣既青咖喱充滿奶油味，雞肉又嫩又入味，就咁食都食唔停，再加埋啲薄餅點落咖喱食，脆脆既薄餅好好味！🍲蟹肉銀絲煲 $248呢個粉絲煲係蟹做主菜，食完成口蟹味🦀蟹肉份量好多，又實口又好香，蟹膏亦包住每一條粉絲，好香好好食！今晚所有既菜式都好高質，又好特別，好享受呀👍🏻