影片
更多
2022-09-20
120 浏览
今日收工後又嚟咗西環附近搵嘢食，朋友住開呢頭，成日都話呢邊有好多好嘢食，經過見到呢間餐廳以木系裝修為主，本身仲以為係打卡Cafe，原來係台式養生藥膳火鍋，即刻覺得好吸引就諗住試吓啦！餐廳環境好闊落，兩個人都比四人卡位枱，坐得好舒服！餐廳嘅湯底有好多款，主要以養生藥膳湯底為主，有養生醉雞、古早味、台式麻辣、田園蕃茄濃湯等等，咁我哋就揀咗麻辣蕃茄牛肉涮涮鍋小辣。湯底好夠味，配料有洋蔥、粟米、牛肋條、蕃茄、豆卜，係好有心機嘅湯底，食完都唔會口渴，淨係湯底都好多野食好豐富😋😋我哋揀咗$288嘅任食Prime grade 牛肩胛肉同埋西班牙無激素豬肉片，牛肩胛肉牛肉味濃，豬肉片都唔會好柴，encore咗好幾碟。話明係台式火鍋，當然有好多來自台灣嘅火鍋配料，例如有甜不辣、魷魚羹、方形魚腐、台灣燕餃、米血糕等等，我最鍾意係甜不辣同米血糕，真係好似以前有得去旅行嗰陣台灣食到嘅味道！🥰丸類都有好多特別嘅款式，例如蘑菇芝心堡、奶油南瓜包、三星蔥貢丸、香菇貢丸，佢哋嘅貢丸都好好食，三星蔥貢丸係爆汁，香菇貢丸有好多香菇，係平時喺街都好難買到嘅味道！海鮮類都有好多選擇，例如蝦、蜆、魚片等等，好新鮮！自家製台灣手
餐廳環境好闊落，兩個人都比四人卡位枱，坐得好舒服！餐廳嘅湯底有好多款，主要以養生藥膳湯底為主，有養生醉雞、古早味、台式麻辣、田園蕃茄濃湯等等，咁我哋就揀咗麻辣蕃茄牛肉涮涮鍋小辣。湯底好夠味，配料有洋蔥、粟米、牛肋條、蕃茄、豆卜，係好有心機嘅湯底，食完都唔會口渴，淨係湯底都好多野食好豐富😋😋
我哋揀咗$288嘅任食Prime grade 牛肩胛肉同埋西班牙無激素豬肉片，牛肩胛肉牛肉味濃，豬肉片都唔會好柴，encore咗好幾碟。話明係台式火鍋，當然有好多來自台灣嘅火鍋配料，例如有甜不辣、魷魚羹、方形魚腐、台灣燕餃、米血糕等等，我最鍾意係甜不辣同米血糕，真係好似以前有得去旅行嗰陣台灣食到嘅味道！🥰
丸類都有好多特別嘅款式，例如蘑菇芝心堡、奶油南瓜包、三星蔥貢丸、香菇貢丸，佢哋嘅貢丸都好好食，三星蔥貢丸係爆汁，香菇貢丸有好多香菇，係平時喺街都好難買到嘅味道！海鮮類都有好多選擇，例如蝦、蜆、魚片等等，好新鮮！自家製台灣手工麵條好勁道有咬口，有少少似刀削麵，都幾特別👍🏻餐廳都有好多唔同嘅手工餃，私心最推介黑松露芝士豬肉餃，黑松露味好濃，入面嘅芝士係流心狀態，一定要試👍🏻👍🏻
另外包埋無限任飲台式飲品，我最鍾意係黑糖冬瓜茶同埋朱古力雪香，兩杯飲品都好濃郁，好有台式風味！真係好好飲😍 雪糕每人限叫一杯，有movenpick同dreyer’s揀，食完好滿足！
📍 小鍋霸 (西環)
西環卑路乍街80號Imperial Kennedy地下6號舖
张贴
