Just Steak Premium (已結業)

馬鞍山向來都係美食沙漠。偶然有乜節日生日週年要慶祝，都吾知有乜好食。哩間Just Steak 可以係唯一選擇。今日雖然吾係節慶，但週日就出去食餐好D啦。午餐價格合理D。照燒鷄扒軟殻蟹丼定食。雞扒嫩滑。軟殻蟹炸得鬆脆，天婦羅金菇漿薄薄的。飯係珍珠米，不過煮得硬左D。定食跟醬瓜，西瓜，麵豉湯及餐飲。壽喜燒牛肉丼定食。牛肉好好味，撈埋溫泉蛋蛋汁，十分match.同樣有天婦多金菇，醬瓜，生果，麵豉湯及餐飲。餐廳防疫做得好好，每枱除了有搓手液，仲有小型空氣殺菌清新機。枱與枱之間用透明膠間開，食得好安心。