Lab Eat Bistro (豉油街) (已結業)

濃濃燒烤醬豬肋骨⭐️主食依個係非自助嘅主食黎，但係都好大份，豬肋骨真係一排嘅豬肋骨，啲肉都好厚，塗上滿滿嘅燒汁，好香濃，另外仲有新鮮即炸嘅脆薯條，亦都有燒香佐嘅蕃茄，而入邊係有蒜蓉醬嘅添，好惹味！沙律✨任食呢度嘅沙律吧有好多唔同新鮮嘅沙律菜，蕃茄仔就好鮮甜，醬汁都有唔同嘅選擇，連紅菜頭都有，好健康！雜錦火腿拼盤✨任食依個火腿拼盤都有好多唔同嘅款，火雞胸肉都有，仲有啲Parma ham，辣肉腸，全部都好好食，好新鮮！醬油漬三文魚✨任食估唔到連三文魚都係任食，啲三文魚好肥美，切到一粒粒，再撈埋啲鹹鹹地嘅醬油漬，好鮮味好正！海鮮✨任食任食嘅仲有海鮮，海鮮都有幾款，有大蝦、青口、翡翠螺，每款都好新鮮，食到海鮮嘅鮮甜，有啲海水味，全部都好好！