✦✦✦✦✦✦✦✦✦✦✦✦✦✦
🎈手工肉燥乾拌麵定食 $62
(前菜)
炒香咗嘅通菜再輕輕壓平，整到長長方方咁，幾得意🤩，味道唔錯，落咗些少豉油調味已經好夠👍，通菜一向都係小編至愛菜類之首選✨，所以對於餐廳嘅通菜質素好高分，讚👏。
✦✦✦✦✦✦✦✦✦✦✦✦✦✦
(牛湯)
牛湯係小編第一次接觸😯，當小編第一啖飲就覺得有些少牛膻味🥴，好似唔太接受到咁，但當小編食咗個拌麵同牛腱後就發現原來咁樣飲湯先係最好味😮，牛膻味唔見咗，反而牛腱嘅肉味更突出🥳，好神奇。小編最後係飲得哂成碗湯🤭，味道唔會搶咗拌麵嘅牛肉味，反面係錦上添花🌸。
✦✦✦✦✦✦✦✦✦✦✦✦✦✦
(小食兩款)
香炸花枝丸
外層輕輕炸過就夠香口，亦都唔會改變太多原有口感👄。墨魚味道一口就食到👏，香味十足👃，台灣嘅墨魚味同香港唔同地方就係滑好多🤤。
牛腱爽口，唔會太韌難咬😲， 雖然賣相就唔太吸引，不過味道就搭夠😊。
✦✦✦✦✦✦✦✦✦✦✦✦✦✦
(拌麵)
手工肉燥乾拌麵
拌麵同肉燥分量適中，入面仲有菇粒再加上醬汁，味道不俗👌。不過大家記得要撈暈啲先食喎，如果唔係只會食到麵原有味道🤫，咁就唔好食架喇。手工嘢小編一向好支持，用心製作值得欣賞❤。
✦✦✦✦✦✦✦✦✦✦✦✦✦✦
🎈菠蘿青檸蜜 $18
店員介紹小編飲呢杯菠蘿青檸蜜，因為聽講係好多食客都會飲嘅🥤。店員拎到過嚟都好有心提醒小編😮，如果味道唔夠可以幫手再調教，好細心🥰。雖然小編唔係太飲得出菠蘿甜味，但都隱隱約約飲到些少菠蘿味🤔，小編飲下飲下反面覺得好似袖子蜜多🤨，唔通菠蘿原有嘅味係似袖子味😖?呢層小編唔太清楚了🤫。
✦✦✦✦✦✦✦✦✦✦✦✦✦✦
試過咁多間台式肉燥嘅小編覺得「二悅」畀人嘅感覺好清新💨，雖然大部分食物味道唔算太濃郁，餐廳應該將味精同調味化得精而簡👏，食客都食得健康又滿足。而且環境都好舒適，價錢亦合理，加上服務態度良好👍，畀人印象深刻。位置雖然較偏，近於又新街最尾位置，唔易於搵到🤔，不過有心嚟到附近都一定要支持下🤝。
✦✦✦✦✦✦✦✦✦✦✦✦✦✦
1
3
1
