影片
更多
2007-11-29
5 浏览
長輩生日,大家黎怡東軒慶祝,叫左一個美食之最套餐,裡面包括幾個得奬菜式,仲有翅同埋糖水,分二人份量同四人份量,我地要左個四人,然後加個散叫既京葱蒜香牛柳。所謂美食之最套餐(BEST OF THE BEST SET MENU),先上四碗魚翅,估唔到魚翅份量又真係唔少,每碗都有大大件咁,仲有金華火腿,難得唔會太咸,個翅好似清湯咁,唔膩唔滯,很好!幾味送,包括一個一魚兩味的,有炸同炒,炸一方有好多炸粉,同埋肉好少,好似食骨,除非好喜歡炸物的口感,否則唔好味,反而炒肉那方好好味,有露筍同炒,個汁十分美味,魚肉又無骨,食多幾件都仲得!另有一味叫層巒高聳翠,聽個名唔知係乜,原來係小棠做底,津白伴碟,上舖好多好多炸本菇同埋炒竹笙,原來好好地一味素菜同菇,炸左甶而唔好味,而且味魚又係脆,呢碟又咁多炸菇,太多炸野喇!竹笙同菇,炸左根本唔好食,嘥晒!仲有個獻,太杰...仲有一味什麼什麼炒肉碎,幾好味喎,少辣架,但係唔太過份,令人覺得惹味,由於係肉碎,又唔會令人覺得食得太多肉,唔錯!至於京葱蒜香牛柳,反而差唔多係好味之最,哈哈!真諷刺!好多牛肉呀,係一條條既,又淋,但汁又好味,夠香,唔油,一入口就有蒜香,加
所謂美食之最套餐(BEST OF THE BEST SET MENU),先上四碗魚翅,估唔到魚翅份量又真係唔少,每碗都有大大件咁,仲有金華火腿,難得唔會太咸,個翅好似清湯咁,唔膩唔滯,很好!
幾味送,包括一個一魚兩味的,有炸同炒,炸一方有好多炸粉,同埋肉好少,好似食骨,除非好喜歡炸物的口感,否則唔好味,反而炒肉那方好好味,有露筍同炒,個汁十分美味,魚肉又無骨,食多幾件都仲得!
另有一味叫層巒高聳翠,聽個名唔知係乜,原來係小棠做底,津白伴碟,上舖好多好多炸本菇同埋炒竹笙,原來好好地一味素菜同菇,炸左甶而唔好味,而且味魚又係脆,呢碟又咁多炸菇,太多炸野喇!竹笙同菇,炸左根本唔好食,嘥晒!仲有個獻,太杰...
仲有一味什麼什麼炒肉碎,幾好味喎,少辣架,但係唔太過份,令人覺得惹味,由於係肉碎,又唔會令人覺得食得太多肉,唔錯!
至於京葱蒜香牛柳,反而差唔多係好味之最,哈哈!真諷刺!好多牛肉呀,係一條條既,又淋,但汁又好味,夠香,唔油,一入口就有蒜香,加埋牛肉香味,口感一流喎!
最後係一個南瓜炒飯焗飯之類,本來係原個南瓜焗,但佢竟然話無晒南瓜,要同我地改用南瓜炒飯,我地都無法,不過原個南瓜上係特色之一,點可以咁架!唉!之但係我地都無選擇,唯有就範,激死!好在原來個炒飯好好食,份量又多,真係好多南瓜粒,仲有唔少蝦添!唔油,乾身,炒得好!
糖水係紅豆沙,問一問則可選杏仁茶或合桃露,我地各要一些,最好味係合桃露,夠味,似鮮磨質素,杏仁茶比想像中好,我地覺得唔似開粉,但老人家食落話似開粉喎,各有各啦!反而紅豆沙遜色一點,又無我最愛既蓮子...
總括而言,環境同食物都幾好,但係所謂美食之最,得獎菜式,又唔係真係好好味囉!
张贴