啖啖燕窩 (駿運工業大廈)

营业中

休息中

近日成日捱夜，朋友介紹觀塘呢間餐廳有好多唔同口味嘅燕窩 / 雪燕 / 桃膠 , 啱哂工作繁忙，需要滋補一下。Menu款式好多唔同口味店內仲有座位可以堂食。粉色佈置有梳化位好舒適「椰汁芒果燉雪燕」包裝好精緻，送禮/自己食都唔錯椰汁味好香，啖啖雪燕好足料，加入新鮮芒果肉，一樽細size 700ml, 已足夠3人分享份外滋補。「特濃4.3牛乳燉蛋」滑嘟嘟燉蛋，用4.3牛奶 加入雞蛋製成，唔會太甜「蜂蜜菊花杞子雪燕飲」加入蜂蜜 菊花味道清甜，啖啖充滿雪燕，口感豐富，樽裝好方便，隨時隨地可以飲到「麻辣花膠」麻辣成日都食，配上花膠真係第一次試，加熱後，估唔到口感同味道都咁夾，花膠口感豐富，麻辣味夠香。食過雪燕都好正，決定下次要試埋花膠湯。