阿爺粥品手工涮涮鍋 (已結業)

今日同朋友來旺角打邊爐，呢間阿爺粥品手工涮涮鍋的火鍋套餐好抵食，就入黎試下。美顏花膠雞鍋係必試之選，湯底奶白清甜，有半隻雞一齊煮，仲有花膠任食,可以煮一陣等花膠融少少再食，入口煙韌膠質，軟稔有咬感，雞肉好入味嫩滑，吸收湯底精華，可以飲幾碗湯後再落餸打邊爐。海鮮拼盤，有生猛鮑魚，貴妃蚌，海花蟹，乳龍蝦，貝類，同手切手肉，海鮮用料真的十分新鮮靚料，剛由水中撈出黎，生猛仲識郁的，特別係乳龍蝦，肉質好彈牙鮮甜。美國肥牛，豬膶，豬粉腸。肥牛肥瘦適中，肉質結實有嚼勁，豬膶同豬粉腸味道爽滑，洗得乾淨，無騷味。黑豚肉，切得薄身，豬肉味濃郁，有咬口，豬爽肉肉質爽脆，手㧈打丸好彈牙新鮮，調味香甜。油炸鬼，即炸新鮮，唔會好油膩，咬落好香脆。當然少不了食埋甜品，芒果布甸嫩滑清甜，重芒果味，桂花椰汁糕，蘭香子芒果糕都香甜夠味。