影片
更多
2017-08-02
474 浏览
身邊識我既朋友，幾乎係人都知我真係好鍾意打邊爐同飲酒，最高峰時期，一星期可以打足5晚～ 飲足7晚（小酌）～ 於是乎，每每有邊爐或飲酒都有我份。呢期閨密話，金朝陽開左間高質邊爐店，紅白酒雞尾酒啤酒都任飲，食物質素亦好食笑呵呵～ 所以帶我見下世面食下正野喎～一入門口，開業不足一星期， 所以花牌仲係度～ 見窗口位有台，特意要求坐窗邊位置～ 望住香港夜景食飯，心情特別好～ 旁邊有度玻璃門出去， 有幾將高身台，方便煙民出去叉電或呃like人士出去影相～ 需我當然係拎任任飲cocktail 望住美景，飲番幾杯先～ 亦順便幫朋友仔呃like ...黎左個warm up之後，入正題喇！任食夠竟食啲乜？！ 第一部份係fix 咗既～前菜：手撕雞及辣木耳 (無限任fill)湯底：10選1，我地揀左酸菜卜卜硯。海鮮：有5款，分別係馬刀貝、海蝦、大硯、鮑魚、桶蠔。（每位加58蚊，我地4個人點4份）肉類：肥牛片/黑豚肉片/豬頸肉片 （每2人選1款，我地4個人所以選肥牛片及黑豚片）火鍋拼盤：有101特選拼盤（手打丸及餃為主）/ 台式夜市拼盤則以滷味為主 （每2人選1款，我地4個人各選1）油炸系列：手工炸魚皮及手
於是乎，每每有邊爐或飲酒都有我份。呢期閨密話，金朝陽開左間高質邊爐店，紅白酒雞尾酒啤酒都任飲，食物質素亦好食笑呵呵～ 所以帶我見下世面食下正野喎～一入門口，開業不足一星期， 所以花牌仲係度～
見窗口位有台，特意要求坐窗邊位置～ 望住香港夜景食飯，心情特別好～
旁邊有度玻璃門出去， 有幾將高身台，方便煙民出去叉電或呃like人士出去影相～ 需我當然係拎任任飲cocktail 望住美景，飲番幾杯先～ 亦順便幫朋友仔呃like ...
黎左個warm up之後，入正題喇！任食夠竟食啲乜？！
第一部份係fix 咗既～
前菜：手撕雞及辣木耳 (無限任fill)
湯底：10選1，我地揀左酸菜卜卜硯。
海鮮：有5款，分別係馬刀貝、海蝦、大硯、鮑魚、桶蠔。（每位加58蚊，我地4個人點4份）
肉類：肥牛片/黑豚肉片/豬頸肉片 （每2人選1款，我地4個人所以選肥牛片及黑豚片）
火鍋拼盤：有101特選拼盤（手打丸及餃為主）/ 台式夜市拼盤則以滷味為主 （每2人選1款，我地4個人各選1）
油炸系列：手工炸魚皮及手工炸響鈴
第二部份係無限追加蔬菜、餃丸、牛肉片、雞件、魚片及麵食
第三部份任飲，有普通野飲同埋酒精飲品，唔啤止有啤酒，更有邊爐場少見既紅、白酒及雞尾酒任飲。
這個湯底，絕對足料，絕對是任食場中最高級別！酸菜用上甜酸菜，卜卜蜆加上大量蔬菜、紅棗、豆卜、香菜及蕃茄，湯底鮮香濃郁，味道極鮮甜味美，回味悠長！
呢個海鮮盤拼我個人最推薦係鮮鮑魚：鮮甜，咬落去鮮嫩卻有爽彈嘅肉質，其淡淡嘅海洋味道，令人回味無窮。
其次推薦海蝦，吃海蝦就係要吃其鮮甜，彈牙嘅蝦肉，經過海鮮湯洗禮，即使唔點任何醬汁也夠人吮指回味。
第三推薦的是美國桶蠔，大大隻嘅蠔單係望已經令人垂涎難耐喇！經過川燙，其滑嫩，簡直一入口就自己溜入喉管，味道鮮亦好有鮮味！
呢個海鮮拼盤確係鮮！鮮！鮮！
整餐飯，我個人最推薦黑豚肉片！好食！好食！真係好食！（重要嘅事真係要市三次）
油花同肉嘅比例係50:50， 食落口非常之滑嫩多肉汁，食落去肉質鬆化，就算唔點醬汁食，你都會食到肉嘅甘甜，令人回味無窮！
呢個101特選拼盤都勁好食！連我平日唔特別鍾意食「丸、滑」我都今晚食左好多！當中黑松露蟹子海鮮軍艦係我呢餐飯既第二最愛！海鮮軍艦顧明思義就知係由墨魚滑釀入豆卜之中，當中亦加入左大量黑松露！係大量！亦都因為大量關係，一放入口，咬都未咬已經覺得黑松露配海鮮的味道也很夾，香氣燶郁，加點素菇就不覺膩。
其次推薦是墨汁鳥結糖，外型極似換左顏色既鳥結糖，實際係平常食既墨汁丸！不過，食起黎，你會發現其味道較一般墨魚丸更有墨汁香！加上有巨多彈牙花枝顆粒，咬起來更加得香口彈牙！ichiban 既呢～
響鈴及魚皮，係兩款打邊爐必食配料！當中值得一提既係呢度既響鈴，絕對係不得了！外型大得誇張，有個普通女仔瘦手臂咁粗架！響鈴薄如蝉翼，食既時候熱辣辣脆卜卜，淡淡豆香，無油益味，點埋個湯同食，吸盡精華～好食到不得了～
食後感，待應服務勁好，特別係一個肥肥地帶眼鏡既男待應同埋到個短頭髮、皮膚白白、眼大大講野唔係好正既女待應（我估係經理），佢地全程都有果隻由心而發既笑容，你會感受到佢地對工作既熱誠！一種我喺飲食業，什至係服務業入面，從來未感受過既熱誠！佢地仲會同我地講笑、講爛gag、爆肚唱歌～令我地呢啲普通食客感受到朋友式對待～ 呢餐飯食得堅係好開心！我覺得食物高質！服務好！環境好！仲要有任飲紅白酒雞尾酒！450蚊左右一位絕對比得開心！堅值！张贴
