令和鍋物酒場

营业中

休息中

尖沙咀厚福街好多餐廳，今次試吓呢間新嘅日本料理食店，裏面嘅裝修非常和風，裝修光猛簡潔舒服，同朋友嚟飲嘢食飯氣氛都唔錯。最愛芫荽嘅我一見到餐牌，就馬上瘋狂，因為有芫荽特飲呀，所以一定要叫一個試吓。芫荽嘅味道清新，溝埋梳打原來好夾，真係一個夏天好正嘅餐前飲品！其他朋友鍾意飲日本清酒，呢度都好多選擇，我就唔係好識品嚐，不過見大家飲得真係好高興呢！食物方面當然都非常高質素，睇佢嘅刺身拼盤就真係好正，所有刺身顏色靚又有色澤，一睇就知好新鮮，食落口更加門口先甜，海鮮嘅甜味喺口腔揮之不去。仲有好正嘅係燒牛肉，有廚師即時為我哋下廚，控制火候剛剛好，所以牛肉肉質和味道都係最好嘅，咬落口牛肉汁甘香美味，真係食過返尋味。整體今晚嘅晚餐，有美酒，又有得飲，更加有美味嘅新鮮日本刺身了你，真係非常滿足，值得回頭再食。