麗都餐廳

营业中

休息中

搵食時搵到呢間茶餐廳，應覺食物會唔錯，於是入去一試裝修好靚，裝修好有格調，吊燈都型過人，而且環境企理乾淨，冇舊式茶記feelMenu會半個月轉一次，1-15號同16-31號，一次過都有得睇晒，價錢可圈可點啦，因為下午茶都去到$40-50範圍$41 厚切豬扒湯意粉，轉左米粉。豬扒寫厚切就未算得上，不過煎得香口又唔會乾同柴，唔係鬆肉豬扒，而且醃得好入味，重點佢豬扒同米粉分開上，Good另外係個湯米粉，睇湯底係有熬煮過嘅雞湯咁$52 咖喱牛腩炒麵咖喱汁唔夠多，唔夠濃，入口食唔出咖喱味不過牛腩中上，半肥瘦，肉質好淋，另仲有搭啲筋，正 麵就半脆半淋，奶茶好飲夠茶味，不過同茶餐廳有少少分別，我又唔識講，果種茶味同鹹味缺少左。