東羅 泰館 (已結業)

滷豬手淆到好冧，但唔會太濃味，配左個檸檬汁， 連皮連筋食入口即溶而且一啲都唔油膩。蒜蓉法包味道好特別， 加咗少少辣椒同肉碎 ，變得好有泰國風味， 個法包本身脆而不硬，非常surprise。大蝦冬陰功湯麵水準相當，兩隻虎蝦好多蝦膏，面條彈牙，湯底濃郁。呢個特色雪條奶茶幾好玩，打卡專用， 親自加奶加茶， 等條雪條溶咗再飲。不過雪條本身好甜，茶味唔夠突出。餐廳位置仲非常就腳， 而且門外同室內都好多打卡位， 一次過滿足食好嘢同po IG 兩個願望。