千両 (名店坊)

千両……高檔元氣壽司，價錢方面當然會貴少少，千両依家的分店亦多，今日剛經過銅鑼灣就入去試試，1:30左右都要等位，但就不太耐。安排座窗口卡位，卡位寬闊，望到街景很舒服。

午市定食都有十一款選擇

上便當內容豐富，燒鯖魚很香，天婦羅虾好大隻，不過外面d皮炸得硬咗d，最正係碗牛肉烏冬，，食多碗都得。吉列牛肉薯餅就……，只食咗一半，話就話牛肉薯餅，但就唔覺有牛肉。

上弁当

$108

万両定食即是壽司拼盤，d壽司大件及新鮮，鐘意食壽司就啱晒

万両定食

$108

百両定食最抵食$78，有壽司及烏冬，不過份量較少，大食的朋友就不夠啦……

百両定食

$78

原本諗住叫貝五點剌身盛$255，但職員話無翡翠螺和北寄貝，所以無得order，真係O晒咀，那麼大的鏈鎖店及咁普通的刺身境然無貨，真失望，所以就另外叫咗個刺身丼定食。
刺身新鮮，兩隻虾是好大隻的，唯一扣少少分是帶子比較細粒

千両特上刺身丼定食

$128

跟餐的咖啡比想像中好，無酸味，很香滑。如不飲咖啡的可揀荔枝果茶，不過是凍的。

跟餐咖啡

3人叫咗四個定食，所以大家睇個平均價錢好似貴咗咁。