影片
更多
2022-11-15
876 浏览
呢間餐廳以雀名為店名，背後個故事幾有意思，金翅雀全身金色是因為食金色的花長大，即是食乜似乜，隱喻餐廳食材優質；而且雀仔四處飛，亦比喻食材來自大江南北。今晚俾我搵到呢間餐廳，混合香港及亞洲元素於西餐裏面，有創意亦美味，而且味道好之餘亦不過濃，值得推薦！呢度係飲杯酒食吓嘢嘅地方，餐牌貴精不貴多，前菜賣百幾，主菜兩百幾。Lagavulin 10 yrs Delays Viognier, Rhine Valley, France我飲威士忌，同伴一杯紅酒，周日晚興鬆吓。點咗兩款前菜，第一款叫 Pani Puri，名字與印度小食一樣，攞咗個概念個皮係脆嘅，餡料係蟹肉醬，以喜馬拉雅山黑鹽調味，外脆內軟，幾鮮甜，幾好食。第二款係烤紅蝦 Red Shrimp，特色係醬汁加咗冬蔭，車厘茄伴碟，賣相都好靚，紅蝦冇理由唔好食！主菜一羊一牛，Lamb Belly Roulade 好有創意，靈感來自羊腩煲，手撕羊肉捲起砌番個型，配合埃及果仁、皇帝菜，肉非常嫩，味道豐富又多汁。Beef Short Ribs 牛小排，用巴東牛肉醬調味，仲有菲律賓的粟米脆脆、羽衣甘藍、肉米糕泡沫，一樣咁鬆軟美味。最後忍唔住食甜品，Ch
呢間餐廳以雀名為店名，背後個故事幾有意思，金翅雀全身金色是因為食金色的花長大，即是食乜似乜，隱喻餐廳食材優質；而且雀仔四處飛，亦比喻食材來自大江南北。
今晚俾我搵到呢間餐廳，混合香港及亞洲元素於西餐裏面，有創意亦美味，而且味道好之餘亦不過濃，值得推薦！
呢度係飲杯酒食吓嘢嘅地方，餐牌貴精不貴多，前菜賣百幾，主菜兩百幾。
Lagavulin 10 yrs Delays Viognier, Rhine Valley, France
我飲威士忌，同伴一杯紅酒，周日晚興鬆吓。
點咗兩款前菜，第一款叫 Pani Puri，名字與印度小食一樣，攞咗個概念個皮係脆嘅，餡料係蟹肉醬，以喜馬拉雅山黑鹽調味，外脆內軟，幾鮮甜，幾好食。
Pani Puri
6 浏览
0 赞好
0 留言
第二款係烤紅蝦 Red Shrimp，特色係醬汁加咗冬蔭，車厘茄伴碟，賣相都好靚，紅蝦冇理由唔好食！
Red Shrimp
2 浏览
0 赞好
0 留言
主菜一羊一牛，Lamb Belly Roulade 好有創意，靈感來自羊腩煲，手撕羊肉捲起砌番個型，配合埃及果仁、皇帝菜，肉非常嫩，味道豐富又多汁。
Lamb Belly Roulade
4 浏览
0 赞好
0 留言
Beef Short Ribs 牛小排，用巴東牛肉醬調味，仲有菲律賓的粟米脆脆、羽衣甘藍、肉米糕泡沫，一樣咁鬆軟美味。
Beef Short Ribs
6 浏览
0 赞好
0 留言
最後忍唔住食甜品，Chestnut Madeleines，成份有桂林錐栗、栗子蓉、吉士醬，口感好好，正呀！
Chestnut Madeleines
2 浏览
0 赞好
0 留言
新開張只兩個星期，今晚靜靜地得好舒服，仲有樓上，細細個party可以包場。
廁所門好有趣，唔知邊度見過，同輩話係以前嘅入錢量重機。
张贴
