壹級日本料理 (已結業)

跟友人早上打完波，見呢間好評勁多，便順路試一試佢，午餐睇餐牌都覺得好抵，試咗個最平，睇下佢掂唔掂，會唔會平野無好野，仲要揀咗魚生，日本餐廳魚生唔掂好難攪。35蚊嘅魚生飯，分量 符合價錢係mini 啲，但女士係ok，當輕食。魚生ok新鮮，與飯之間加咗青瓜同芝麻好香口。整體非常滿意，下次會試其他。店內坐位非常舒服，雖然地點係屋村，但坐位空間感足。當日係平日，但服務員同我地講午飯時間人多有機會搭枱，心諗係咪咁勁，會爆滿？不過我地都趕時間，食完即走，唔知係咪真係坐滿。