Cafe Gray Deluxe (已結業)

Café Gray Deluxe位於金鐘的黃金地段，奕居的49樓，餐廳的高貴格調再配合開揚維港景色，成為了不少女士的打咭熱點，聽聞的afternoon tea set十分有名，但提前兩個星期預約都已經滿座，唯有轉食生日午餐了。當日我點了一份Revitalising Menu，朋友點了一份Prix Fixe Menu，餐前麵包十分香熟軟糯。餐湯及其他前菜還可以，味道不錯但未至於令我印象深刻。反而以豆腐做主菜就令我驚嘆不已，本已為係HEA 做的簡單材料，一入口豆香味十分濃郁，絶對唔係X和豆品廠或者日本普通豆腐可以比較，簡單的煎香就已經係一道絶佳的菜餚，好的食材無需要多作花巧工夫。至於Prix Fixe Menu 的主菜都可口，魚肉鮮甜而熟的程度剛剛合我們口胃，香檳汁也跟魚肉十分配合。。朋友的甜品還不錯。我的甜品真是令我有點跌眼鏡，生果新鮮但被果汁浸泡，上面放了一份soba，溶的速度十分快，過了一陣就見到生果在一碗綠色液體浸泡著，唔計賣相甜品是好食的。另一個令我喜出望外的食品係餐後提供的朱古力，特別係黑朱古力及朱古力橙蜜餞。不太甜但可可豆味十分濃郁。