Sky726

記得要同最重要的人分享最美的景，我就同朋友黎到呢到食晚餐，呢到真係又有美景又有美食。Oyster生蠔偏細隻，不過海水味都好重，比一般既蠔濃味。最特別係有配料，唔會淨係得一般既辣醬，味道新奇又幾夾。 白酒做緊優惠，食生蠔只需要加$78就有兩杯白酒。本身都驚咁平會中伏，但白酒質素幾高，唔單止易入口，味道仲好香，同生蠔又幾夾，值得加錢。 呢個Mushroom Strozzapreti係手卷意粉，卷成細細地一條，加上意粉好有質感，好易入口。而醬汁亦係一大亮點，濃郁而且味道好清新，食得出真係用蕃茄熬製左好耐，好正。 Confit Duck好足料，有一塊大大塊既鴨胸同鴨腿，絕對超過一人份量，好抵食。而鴨肉亦煮得好好，除左保留左鴨肉本身既咬口，仲加左醬汁既香味，入哂鴨肉。特別係鴨胸，仲連住皮，食落好香口。