影片
更多
2011-10-31
50 浏览
一直都好鐘意大排檔, 小時候有點喜慶先會出街去大排檔食飯, 長大後經常光顧牛頭角大排檔同朋友共聚就係鐘意大排檔既回憶, 大排檔市井同平民既氣氛同埋最重要大排檔既鑊氣根據維基百科關於鑊氣解說既資料:"當食物受極高的溫度烹調（超過攝氏200度，亦即是大約華氏400度），便會發生焦化反應及美拉德反應（又稱非酶棕色化反應）等化學變化。"好一個美拉德反應, 咁愛文生正正就係香港碩果僅存既美拉德反應堆, 繼續為香港注入重重既鑊氣(聽聞對面天祥都係一個頗好既美拉德反應堆, 下次去試下)是夜兵工廠剛於史丹福橋球場爆車, 成班球迷情緒未平復得切, 所以只係叫左5個餸淺嘗一下, 食完仲要快快手番上樓繼續睇波生炒骨甜甜酸酸既生炒骨一向都唔係我杯茶, 有時D甜酸汁杰到好似麥芽糖咁漿住D牙但係呢D個生炒骨盲令我食指大動, 炒漿唔太厚剛剛好, 亦炸到岩岩好, 好鬆脆, 酸甜汁亦係覺得調教得好清新, 唔會有個種好漏既感覺電影「滿漢全席」話廚房有兩大剋星, 一個係干炒牛河，另一個係咕咾肉, 下次我就黎試埋你個干炒牛河係咪好似熊欣欣咁煮豉椒炒蜆聽講呢度出名既係豉椒炒蟶子, 但由於同行既剩女唔食得蟶子所以改要炒蜆蜆本身係
一直都好鐘意大排檔, 小時候有點喜慶先會出街去大排檔食飯, 長大後經常光顧牛頭角大排檔同朋友共聚就係鐘意大排檔既回憶, 大排檔市井同平民既氣氛
同埋最重要大排檔既鑊氣
根據維基百科關於鑊氣解說既資料:
"當食物受極高的溫度烹調（超過攝氏200度，亦即是大約華氏400度），便會發生焦化反應及美拉德反應（又稱非酶棕色化反應）等化學變化。"
好一個美拉德反應, 咁愛文生正正就係香港碩果僅存既美拉德反應堆, 繼續為香港注入重重既鑊氣
(聽聞對面天祥都係一個頗好既美拉德反應堆, 下次去試下)
是夜兵工廠剛於史丹福橋球場爆車, 成班球迷情緒未平復得切, 所以只係叫左5個餸淺嘗一下, 食完仲要快快手番上樓繼續睇波
生炒骨甜甜酸酸既生炒骨一向都唔係我杯茶, 有時D甜酸汁杰到好似麥芽糖咁漿住D牙
但係呢D個生炒骨盲令我食指大動, 炒漿唔太厚剛剛好, 亦炸到岩岩好, 好鬆脆, 酸甜汁亦係覺得調教得好清新, 唔會有個種好漏既感覺
電影「滿漢全席」話廚房有兩大剋星, 一個係干炒牛河，另一個係咕咾肉, 下次我就黎試埋你個干炒牛河係咪好似熊欣欣咁煮
豉椒炒蜆
聽講呢度出名既係豉椒炒蟶子, 但由於同行既剩女唔食得蟶子所以改要炒蜆
蜆本身係普通貨色, 好細隻無咩肉食, 但起碼無咩沙
個豉椒汁就係比一般偏辣既, 豆豉份量相對較少, 正合我既口味, 幻想到配合肥美既蟶子一定更加好味, 下次試
黑椒薯仔牛柳粒牛柳粒正常, 黑椒味唔太濃都OK, 無搶哂D味
薯仔先係精華所在, 薯仔係另外炸左一陣先至同埋D牛柳粒一齊爆既, 食落粒粒外脆內軟, 好香口
魚香茄子煲呢味又係好好味, 茄子唔會過淋一夾就散咁, 魚香同肉碎比例都好, 係略嫌D汁唔汁多, 我唔夠汁撈飯食呀
P.S. 呢個魚魚香茄子煲堅多油, 基本上同墨西哥灣漏油有得比, 健康飲食人士勿點
最後有碟西蘭花鮮魷, 無影到相, 其實都正正常常既, 但係對比起先前幾樣咁出色既餸菜實在太失色喇, 我都係食左一舊就無食到喇
傳聞中既美拉德反應堆堆芯, 令我感受到濃烈既鑊氣, 煮中菜始終鑊氣係好緊要, 但係正正係現金好多食店所欠缺餐餐三低一高?! 你就由我早D死左去吧啦~
鑊氣難求 呢一餐真係好~好~味~呀~
张贴
