KOKOMI (已結業)

週一晚姨媽姨丈乘淩晨夜機返美，為怕遇上交通問題所以就決定喺連住酒店嘅太古廣場度早少少食個晚餐，地點為姨媽好姊妹介紹嘅一家美心旗下嘅日本料理「KOKOMI」。餐店並無中文名，不過同音日文字中嘅一個翻譯係可以寫成「心美」，如果係專登改的話都幾有意思。面積寬廣嘅餐室裝潢極富時代感，開揚嘅門面以黑色嘅窗簾間開較光猛嘅室外座及燈光較柔和嘅室內座。用餐大堂嘅散座空間感足，椅櫈亦十分舒適。中央有位鐵板燒師傅即場燒煮食物，吸引不少食客影相。而有意只食魚生嘅貴客大多都會揀坐左方嘅壽司吧位。飲品項目共有三頁之多。厚本餐牌附有不少食物彩圖，首兩頁為套餐。埋單時經哥哥仔提點，先知以恒生Enjoy卡結帳的話，其餘嘅散點菜式均可獲九折優惠，但優惠只限週一至四晚堂食之顧客。年輕友善嘅哥哥仔除咗幫家人慳咗荷包之外，食飯中途更不斷斟添熱茶及替換不潔之餐具，體貼得很。薄切牛肉飯（$128）：長輩都有少少飯癮，但因糖尿又唔食得多，結果就叫咗兩碗套餐飯品黎分。第一碗薄切牛肉飯份量屬一人份，白飯底粒粒肥美飽滿，舖面嘅薄切牛肉拌洋蔥香濃多汁，整體熱辣濕潤，惹味非常。滑蛋豬扒飯（$128）：相比起下，個豬扒飯就乾嚡咗少少。。。過熟