美心西餅 (已結業)

我已經忘記今年是連續第幾年買美心冰皮了. 老實講,美心冰皮質素是OK的,但又未到"非吃不可"的地步. 買這個品牌主因零售點夠多,款式又夠多; 今年與往年一樣,一百蚊入貨五包.上年評過的味道不再講了,今年講講幾隻新口味...上年買不到的芒果脆脆今年終於有得食. 這款味道可謂"較穩陣",而且又夠大眾化,嗜芒果的人必食!個人特別鍾意有一舊都算大的芒果粒在中間,同綠荳蓉都好夾.脆脆系列應該是冰皮中最好賣的一條line吧,不過現在我反而不太喜歡"脆脆",成個月餅得兩三粒脆脆,可以話有等如無,個人覺得對口感起不了作用,似噱頭居多.富士蘋果脆脆 - 我只食到綠荳蓉味道,雖然見到有所謂的富士蘋果在中間,但嚐不到味道; 脆脆則如上段所講,不值一談.今年美心力sell天使魔鬼系列. 有日公司同事帶了個天使脆脆給我試; 發現味道真係唔錯. 初初以為焦糖會好"漏",但食落竟然唔太甜; 其次是味道好似蛋糕,所以個人好鍾意(應該是個人喜好問題).至於內裡包住軟心朱古力的魔鬼脆脆同樣令人驚喜, 有雙重朱古力的享受,嗜朱古力的人必食!