Moreish & Malt (鴻圖道) (已結業)

宜家觀塘工業區個邊開左勁多餐廳，真係愈黎愈覺得住係觀塘呢個福地太好了！是日放假就搵左係觀塘番工既朋友食Lunch，我地早一日已經揀左好耐食邊間好，最後就揀左Moreish & Malt。 我地12點半就去到，所以仲未多人，呢到既環境走美式Style，放左好多美式懷舊音樂擺設，位置都好寬敞冇壓逼感，坐得幾舒服。 Lunch Time 黎既好處就係有Lunch Set，款式都幾多！我地最後點左蟹肉芝士焗大啡菇田園沙律 同埋燒美國野雞，燴雜菜，番茄油醋汁！先黎椰菜煙肉湯，椰菜蓉好濃郁加埋煙肉既煙燻味好清得黎好香，佢既餐包都鬆軟配埋黑醋好好味。 蟹肉芝士焗大啡菇田園沙律 ，不嬲好鍾意食大菇，呢個大菇都好Juice，同埋蟹肉碎份量唔少仲好有鮮味，而啲沙律菜都好新鮮！燒美國野雞，燴雜菜，番茄油醋汁，燒雞雞肉好嫩滑，不過就略嫌醃得唔夠入味，反而燴雜菜味道好特別，酸酸地好開胃。 最後由熱檸水做結尾，不禁讚下佢既杯都幾有心思。