The Stadium有兩間分店， 今天和朋友來銅鑼灣分店食晚飯。
搭電梯上2樓, 一打開門先知道全層都 係The Stadium，面積相當大，好似半個運動場一樣。
一睇就知係以美式餐廳經營。餐廳添加強大運動元素, 設有各式設施供客人玩樂 ，就算帶埋小朋友來食飯都好合適。
空間感十足, 好耐無試過咁free 食飯，又唔使擔心隔離枱會聽到我地傾計。
可以以先來 Happy Hour 再慢慢食飯, 餐牌上選擇算唔小, 不過最簡單直接都係選Set Dinner
Set Dinner 由來價錢由 $168 - $198, 價錢相當合理，套餐包括餐湯、主菜及飲品。
是晚餐湯只有一款 [西蘭花忌廉湯]
睇落麻麻地 , 但即管試試。
質感較稠, 味道似薯仔湯，西蘭花味不突出，味道一般。
主菜是 [煙三文魚帶子扁 麵配番紅花忌廉汁 ] $188
令我眼前一亮是輕煎過的剌身級的大元貝，落足本, 即時加分。更用了番紅花汁，都唔係經常食到, 因為是貴野。將番紅花拌勻了蛋黃醬和忌廉汁，
襯托出其清香、味道非常濃厚、 扁麵相當掛汁 al Dente ~
朋友話天氣太熱無乜胃口，沒有點套餐, 從餐牌上選 A La Cart [蕃茄海鮮扁意粉] $168
茄醬濃郁充斥著香草、蒜蓉香，每口扁意粉也吃到滿滿的茄醬, 酸酸甜甜十分醒胃。
海鮮材料足，大蝦爽口好味，輕煎過的帶子juicy 鮮香，份量又大, 兩個女仔食都夠。
就連飲品都係大大杯，人均消費 @240
係香港相信都唔容易搵到咁大面積既餐廳。
整體性價比高，更重要是有得玩, 、地方又寬敞，令人可以好放鬆心情的地方。
