Top Blade Steak Lab (希慎道)

营业中

休息中

近排都常在銅鑼灣出沒， 今晚去書樓搵書， 等埋老公食飯，想食扒。偶爾見到呢間Top steak個鋪面幾靚。 新開， 望個menu 。 好攪笑。 但個格局唔似架。 鋪細細個都可容納10-20張2人枱。 感覺似食 漢堡包的鋪頭，原來係食優質牛扒既。我同老公食完都覺得幾有驚喜。相信我地都會再來幫襯。好正既係 薯條一早比定兩個鑊仔我們，一落左單就自然比新鮮新辣薯條食住先。仲要可以無限REFILL。我地兩個都叫套餐。湯同沙律係前菜。藜麥沙律先清清胃，加加纖維。感覺無咁內疚（食肉唔食啲菜好似邪惡）叫左5成，廚師都好好火喉，剛剛好，因為用碟上，整體都好冧、JUICY都好夠。有水準之作。加埋用薯蓉作拌菜。牛扒啲汁可以用薯蓉吸翻晒啲汁，完全一滴唔浪費。 呢個配搭有心思。值得一讚。呢個檸檬撻，我就略覺偏酸.....手工啤有幾款。職員都好好，佢會介紹不同啤酒的特質。我叫左呢杯較帶果味是麥啤。呢杯係老公既，是鋪頭招牌LEMONADE。 另外食牛仲係有紅酒可以叫來飲呀。