Burgeroom (美麗華廣場1期) (已結業)

最近四周圍都開左好多間賣美式漢堡包既餐廳，朋友於是相約我去了尖沙咀美麗華商場哩間餐廳品嚐，餐廳裝潢以美式工業風格設計，燈光微暗，感覺有點似酒吧店內以半自助形式運作，我同朋友選好食邊款包之後就到收銀處落單店員之後就會將食物運送到你坐既枱上。牛油果醬芝士牛肉漢堡(Guacamole Cheese Burger)Size比平時一般所見到的為大，包面佈滿芝麻粒，第二層就見到大大嚿牛油果，第三層就係厚厚的牛肉漢堡，加埋蕃茄、芝士同生菜就甘拎住食都拎唔隱，幸好餐廳有提供埋刀叉同手套比客人，牛肉漢堡塊牛肉咬落緊多肉汁流出，好鮮味，加埋D醬汁, 真係要小心食，如果唔係就會爆汁。朋友的大烤菇芝士牛肉漢堡 (Portobello Cheese Burger)同我果個用料差唔多，唔同既係有塊成吋厚既大啡菇，朋友第一次食，覺得塊牛肉漢堡好有肉味同多汁，店員仲幫我地預先切開兩邊，方便食用。迷你薯餅配藍莓醬，新鮮炸起，熱騰騰脆口兼配搭新穎。食到口乾乾，叫左杯奇異果汁飲食完仲可以慢慢係度同朋友仔傾計，完全唔會趕客。