樂園 (已搬遷) 新店位置

係我中學時期，樂園呢間cafe已經好hit😂因為大家都被佢巨型份量既怪獸雪糕吸引🍦多年後我終於黎到啦🤣今次唔係試佢既怪獸雪糕，反而黎食佢新推出既美少女戰士下午茶set🌙店內好温馨既感覺，仲有兩隻貓貓😺一隻掛住訓覺，另一隻比較活潑周圍走。可惜食食下其他客人話驚貓，所以店員抱走左佢地☹☹講番食物先，下午茶set除左美少女戰士茶點，仲包兩杯飲品。成個下午茶食物好豐富，先有前菜，兩碗蝦蝦笑廚師沙律。沙律菜新鮮，蝦爽口。知道媽媽鍾意美少女戰士，所以專登帶佢黎試下。佢見到茶點上枱時好開心，冇諗到cupcake同cookie都整得咁靚😍甜品上插住美少女戰士紙牌仔🌛主菜有蟹子吞拿魚青瓜卷，黑松露雞肉三文治，戀之花煙三文魚，芝士焗有機鮮菇，星光翻糖曲奇，士多啤梨玫瑰，月亮蜂蜜迷你窩夫，愛心特色雪糕，貓貓軟心朱古力蛋糕，同蝴蝶結脆皮綿花糖雜莓鬆餅。💓💓Brownie好好味😋唔會太膩。最可愛既翻糖曲奇，原本以為睇得唔食得，點知味道幾好😋雖然糖皮望落好多，但食落一d都唔會過甜。曲奇硬身crunchy，冇軟到。咁靚真係好唔捨得食☹雪糕幾易融，大家影相要快手d啦😉整體黎講睇得又食得，絕對唔會得個樣😍下次要帶媽媽黎