樂園 (已搬遷) 新店位置

每次有d好少女風嘅tea set，我朋友都一定會帶我去試下😍今次去左食呢個美少女戰士tea set ！埋位見到隻肥貓貓，太可愛了，忍不住拍一幅😆呢個set係包埋二人份量嘅沙律同兩杯飲品，賣相 我覺得係滿分啊💯。佢有靚靚嘅美少女圖案係碟上面 ，仲有美少女水手服同變身器曲奇😍😍一見到我就忍唔住要相機食先 。個曲奇都唔錯 ，幾脆又唔會太甜👏🏻 個set主要係有咸點同甜點 ，咸點主要有蟹子吞拿魚青瓜卷 、黑松露雞肉三文治 、戀之花煙三文魚 、芝士焗有機鮮菇 ，全部都幾好食 。我最鐘意就係個芝士焗有機鮮菇 ，好重芝士味之餘 ，冬菇match芝士個味又幾夾👍🏻 仲有個戀之花煙三文魚嘅份量都好足夠😍 至於甜點 ，佢就有士多啤梨玫瑰🌹好甜🍓而且賣相都好靚 。另外有月亮蜂蜜迷你窩夫 、愛心特色雪糕 、貓貓軟心朱古力蛋糕 同蝴蝶結脆皮棉花糖雜莓鬆餅 。最特別係個軟心朱古力蛋糕， 唔膩之餘 朱古力味都好濃👍🏻