影片
更多
2009-08-31
122 浏览
裕滿人家媽媽生日，一行七人，媽媽最初想食韓國菜，之後又話不如食西餐，最後決定食中菜，一間位於葵涌石蔭邨附近的酒樓。裕滿人家本來選擇價值$548半圍嘅豐盛晚飯全包宴，因為媽媽覺得好似唔夠體面，所以選擇價錢貴d嘅$888半圍嘅龍蝦球文昌雞全包宴。諗住會好d啦！點不知…..今晚發生最好笑嘅對白，就係傳菜員話：「文昌雞半隻好難斬，所以我哋幫你改左炸子雞半隻。」我朋友話：唔通半隻文昌雞唔斬上架咩。乜炸子雞同文昌雞斬法唔同架咩？真係俾伙計吹脹！就係咁樣，間酒樓完全沒有預先通知之下，自作主張把文昌雞改為炸子雞。夾硬要我哋收貨！媽媽本來就係想試下佢哋嘅文昌雞！真係…..哈哈以上都只不過係一段小插曲咋！正式開始由頭到尾都令人難忘嘅「裕滿人家」上葵涌店「龍蝦球文昌雞全包宴」價值$888的精彩絕倫令人永不能忘嘅媽媽生日最失敗一餐。最搞笑就係當其時酒樓嘅電視機做緊咁至識食，真係好大對比！哈哈當中包括，高湯焗西沙龍蝦球伊麵底六福乳豬大拼盆富貴鮑螺花姿新什果海鮮卷紅燒竹笙雞絲生翅鯊魚骨湯花膠燴鮮菌清蒸海石斑一斤正宗海南文昌雞金莎海皇炒飯精彩甜品 環球鮮果及六罐汽水簡單d講由頭到尾都感覺到唔值$888 d咁嘅水準…
媽媽生日，一行七人，媽媽最初想食韓國菜，之後又話不如食西餐，最後決定食中菜，一間位於葵涌石蔭邨附近的酒樓。裕滿人家
本來選擇價值$548半圍嘅豐盛晚飯全包宴，因為媽媽覺得好似唔夠體面，所以選擇價錢貴d嘅$888半圍嘅龍蝦球文昌雞全包宴。諗住會好d啦！點不知…..
今晚發生最好笑嘅對白，就係傳菜員話：「文昌雞半隻好難斬，所以我哋幫你改左炸子雞半隻。」
我朋友話：唔通半隻文昌雞唔斬上架咩。乜炸子雞同文昌雞斬法唔同架咩？真係俾伙計吹脹！
就係咁樣，間酒樓完全沒有預先通知之下，自作主張把文昌雞改為炸子雞。夾硬要我哋收貨！媽媽本來就係想試下佢哋嘅文昌雞！真係…..哈哈
以上都只不過係一段小插曲咋！
正式開始由頭到尾都令人難忘嘅「裕滿人家」上葵涌店「龍蝦球文昌雞全包宴」價值$888的精彩絕倫令人永不能忘嘅媽媽生日最失敗一餐。
最搞笑就係當其時酒樓嘅電視機做緊咁至識食，真係好大對比！哈哈
當中包括，高湯焗西沙龍蝦球伊麵底
六福乳豬大拼盆
富貴鮑螺花姿
新什果海鮮卷
紅燒竹笙雞絲生翅
鯊魚骨湯花膠燴鮮菌
清蒸海石斑一斤
正宗海南文昌雞
金莎海皇炒飯
精彩甜品 環球鮮果
及六罐汽水
簡單d講由頭到尾都感覺到唔值$888 d咁嘅水準…..唉！
我真係感覺到美女廚房d地獄廚神一定係e間酒樓廚房裏面！真係好恐怖！
六福乳豬大拼盆，水準非常低，除左乳豬皮仲係仍然脆之外，其他都可以「算吧啦！」
其他好多款餸都係在廚房預先做好，
感覺我地去左一間工廠飯堂，食佢哋預先準備大量生產嘅餸，之後有人落單，佢哋就立即速速執整齊上碟送上枱。
重有呀，嗰條石斑…..唉….連送菜嗰位呀姐，都話真係唔夠新鮮喎！….你話死唔死！雖然真係未去到霉，但都差唔多接近啦！
好搞笑就係個生翅，當中竟然發現粉絲，（有相為証架！）甚至乎街邊d碗仔翅都要好味過佢！
佢哋嗰個鮑螺花姿完全冇乜鮮味可言……唉
龍蝦球又係失敗….唉！點解可以有咁樣嘅水準架？
今餐飯有好多個人不同回應，
第一個人反應，我仲以為係$888半價咋，$444咁樣嘅菜式就差唔多！
第二個人反應，條魚霉架！之後我話唔係…..只不過係稔過頭姐。哈哈
第三個人反應，d炒飯好硬！之後我話唔係……間酒樓想要大家健康d消耗多d卡路里慢慢姐！哈哈
我問第四個人d花膠點呀：佢反應好鬼陰濕，之後話：「你自己試下羅！」
最後，我又問佢哋d糖水紅豆沙點樣呀？有人同樣反應陰濕咁笑，之後話：「你自己試下羅！」
E餐咁樣嘅野我真係冇乜點食過！
希望媽媽唔會因為e餐飯唔開心，哈哈
衷心祝福媽媽生日快樂，永遠開開心心健健康康
最後媽媽話：食完咪算羅，嘈黎做乜，由得佢啦！
我真的覺得，媽媽已經進入化景啦！哈哈
张贴
