牛站(駅)麻辣火鍋放題

营业中

休息中

同朋友食火鍋放題興團年。我哋今次係食每位$298嘅餐可任食SRF極黑和牛，美國牛肩胛，牛板腱，同埋海鮮及乳鴿等。金湯花膠雞湯+蟹皇海鮮湯我哋加了$48轉做自選鴛鴦湯底。清甜花膠雞湯味道清甜。蟹皇海鮮湯好多蝦同蜆，味道鮮甜。我見餐廳仲有羊腩煲湯底，好特別，不過朋友唔食羊，冇試。美國極黑和牛口感軟滑，油份香。美國牛肩胛同就牛味較濃，口感比美國極黑和牛較為有咬口。海鮮方面有羅氏蝦，帆立貝，沙白。羅氏蝦爆膏。沙白大隻，無沙鮮味。呢度提供嘅丸類繁多，款式特別，例如芝士鱈魚丸，芝士味超香，巨型蟹柳同埋牛筋丸都好好味。呢度嘅燒乳鴿皮脆肉嫩，肉質juicy 而且入味，正。甜品有多款雪糕同甜品櫃，當中Haagen Dazs 雪糕同movenpick雪糕 有多款味道不同時間輪流推出。