櫻田日本餐廳

琴日與大學同學飯聚，大家一邊打邊爐一邊聊個沒完沒了。揀左個以前讀書已經想試既地方，櫻田日本餐廳，見佢係酒店既餐廳以為好貴，所以一直都未試過。入到去環境寬敞，餐廳侍應俾左個menu我地，見到shabu shabu好吸引，可以慢慢食，於是叫左澳洲和牛M7任食喇，我地幾個女仔都唔係食好多肉，所以1.5小時就夠哂。落左order後侍應好快就俾左個爐我地，落左壽喜湯湯底，隨即就俾埋海鮮拼盤同和牛，我都冇留意原來每2個人惠顧就有一客海鮮拼盤送，有帶子、蝦、青口、魚、魷魚等，份量都好夠，我最鍾意食帶子，因為好大隻同好鮮甜，如果可以有多d就好喇。本身個湯底甜甜地，d海鮮我地都唔使加調味品都已經好有味道，清清地仲好味。主角M7和牛，每一件都好大件，雪花比例均一，唔會有d好肥有d好瘦，而且切得薄身，睇到已經忍唔住放入爐內，只需要幾秒鐘就可以放入口進食，每一淡都充滿和牛油脂，可惜我地係女仔食唔到咁多，如果有男士一齊食肯定可以食好多碟。我個人覺得點芝麻醬係最好味既。我地都點左雜菜幫助消化。全部都係任點任食，d菜好入味。我都幾鍾意呢間餐廳d員工，次次我地食完d食物既時候唔使等我地叫，佢地都會主動走過黎問我地使唔