紐約客 (已結業)

北角係平時係晚上接女友收工先來，今日同同事係呢頭開會，所以問左女友食晏有乜介紹，女友介紹左呢間，所以就同同事一行八人來，由於時間仲早，唔洗等位就入得。呢到環境好寬敞舒適，有落地玻璃，裝飾佈置好有心機！角落位有高身枱凳迎合不同客人的喜好。自己選擇左set lunch 個 B.LT. Burger Set 配Potato Chips. （$83+10%）先來一個南瓜餐湯，味道清甜，好味。終於等到burger來到，由於是即整，所以都等左d時間。漢堡牛肉很大塊而且厚身，亦有肉味，煎得又香又保留到肉汁，整體這個Burger好好味。跟餐薯條也炸得很好脆，水準之上。唯獨凍奶茶不太好，太多奶，沒有什麼茶味。整體而言，是不錯的美國漢堡lunch set。同事們都叫左不同既set, 聽說佢地都覺得不錯。$90個set lunch 有呢個水準都不錯，下次會同女友來食晚餐。