My Ahjussi (已結業)

今日午餐食得唔係好飽，下晝嚟到大角咀呢個滿佈新餐廳小餐廳嘅地區，就想搵個好地方食下午茶。Google一下就見到呢間餐廳嘅相片好吸睛，決定行過去試吓。入到去見到餐廳好有心思裝修，有好多花、植物、薄紗、好粉色嘅系列等等，少女淑女魔女都應該好鍾意❤️我叫咗「鰻魚漢堡」，係成條鰻魚上，賣相好得，鰻魚味道鮮甜肉質軟熟多汁，非常美味。漢堡仲加咗鰹魚乾、香菇同埋大量mayonnaise, 食起嚟好香好滑；鰹魚乾一般都不太便宜亦唔係好多人熟悉嘅食材，肯加鰹魚乾落漢堡包度絕對係一種誠意。呢個漢堡餐亦配埋一大兜薯條，薯條炸得外脆內軟，好正😋仲叫咗一杯「柚子梳打」，好香柚子味唔係好甜，又有啲柚子肉，大熱天時飲好合適。仲有，呢間係韓國風餐廳，所以一坐低嘅時候店員就會俾碗昆布豆腐湯同韓國泡菜三小碟客人食😋食完好飽😆😋幾乎唔使食晚飯!