平成 (已結業)

尖沙咀棉登徑一帶係日式料理餐廳嘅集中地，點樣可以突圍就要好食、抵食、材料正之餘，仲要加多份人情味，好似今次初到呢間小舖，就見到入內好多都係熟客，好似朋友咁打招呼，吹幾句又好識脆咁俾返空間D客，有客帶唔夠錢，尾數又可別類方法付款，仲不時有外賣自取，點點滴滴好似暖包咁滲透出嚟。蒲燒鰻魚丼（一條）$128，肥厚鰻魚，鋪滿成個碗，唔洗就住食，喜歡鰻魚汁甜度鹹度啱啱好，亦唔會過多醬汁响面頭，可以食到鰻魚本身嘅油香，呢個價錢連埋杯飲品，真係好抵食👍🏼美中不足係啲飯過爛。溫泉蛋咖喱廣島吉列蠔丼 $85，即炸吉列蠔，香、脆、熱盡在口腔中翻騰；對於咖喱，每人心中都有種情感咖喱味，就係呢隻咖喱味勾起我兒時在異鄉嘅回憶，甜酸苦辣盡在呢碟咖喱中⋯⋯隊爛埋隻溫泉蛋，連同咖喱及飯一齊食，差D食出眼淚😭Suntory Premium Draft Beer $30，日本啤，無乜要求，最更要夠凍，用嚟送炸物一流🍺