天然酵母麵包店 (已結業)

今日黎元創坊，其實都係想黎呢度食下午茶。可惜我想試嘅焦糖甜品今日冇，就揀咗牛角包，媽媽揀咗香橙朱古力包，堂食唔洗加錢。老闆一家人都好友善，倒咗檸檬西柚水俾我地飲，感覺好清新健康。麵包焗熱返，牛角包外脆内軟，好香牛油味！一層層好足料。香橙朱古力包質感比較實同硬，淡淡橙味，唔會太甜。我就鍾意牛角包多啲。食食下老闆嘅爸爸切咗個啤梨俾我地食！好甜好多汁。入黎呢間餐廳食野覺得好温暖，入面嘅人都好親切。餐廳環境好光猛同舒適。之後佢仲好耐心咁同我地介紹麵包，我地買咗sourdough rye,$55一個，可以室温放兩日，或者放雪櫃一星期。店内嘅麵包師傅會喺七月中租埋隔離嘅舖位焗麵包，以後有機會會再黎！