丸十寿司日本食堂 (已結業)

搭地鐵旺角站出直上朗豪坊12樓就可以去到呢間日式料理餐廳，極之方便易揾，去到仲發覺佢樓底超高，非常有空間感，就算而家坐滿人都唔會有嘈吵感覺，唔會好似酒樓或者樓底唔高嘅餐廳咁，人一多就好嘈，啲人聲困住晒响餐廳入面，所以呢度環境已經冇得輸。叫左個三文魚子牛油果壽司漢堡($58)，入口前冇想過會咁好食，面層及底層嘅燒飯有少少飯焦嘅香脆，但同時又有飯嘅彈性同埋唔會咬兩啖啲飯已經散左，三文魚加上牛油果做餡料夠晒營養，所以我視之為一個非常健康嘅壽司飯團。跟著又叫左鹽燒油甘魚餃($138)，侍應話未必一定有，要問一問厨房師傅今日劏左魚未，後來好在話有，油甘魚好食大家都知道，原來油甘魚餃都好好食，肉質細緻，加上師傅功力一流，將薄薄的魚皮燒得香脆但又唔會爛左咁，真係要比個LIKE先得。