入魂鐵板燒 (已結業)

呢日嚟咗呢間鐵板燒餐廳諗住嘆番個好味午餐🤣$680「商務套餐二人前 Business Set For Two Persons」，包咗好多嘢食😊鵝肝 Foie Gras：鵝肝細滑夠 creamy 冇筋亦冇渣，廚師將鵝肝煎得好香口，下底放塊多士🥪中間有一片煎香咗嘅蘋果，一齊食好夾好美味😋日本廣島蠔 Hiroshima Oyster：廣島蠔新鮮，廚師將廣島蠔慢慢煎，亦都煎得好香口，廣島蠔上邊仲放咗啲火腿同埋香蔥，令味道層次更加豐富😋甘鯛 あまだい Amadai：鯛魚種類繁多，隨便講就有 鯛、甘鯛、金目鯛、目鯛、血鯛、黑鯛、連子鯛、千年鯛 等 仲有好多，價錢就由超高到大眾化都有🤣，甘鯛 價格係屬於超高類別🤣；呢間餐廳嘅 甘鯛 冇打魚鱗片，廚師喺鐵板上邊用油炸嘅方法將魚鱗炸脆，然後冚蓋蒸熟魚肉，真係有番咁上下技巧👍😊；魚鱗脆卜卜，魚肉鮮甜，仲有酸酸哋嘅 羅勒忌廉汁 可以沾，食落更加開胃😋蟶子皇 Razor Clam：蟶子皇新鮮肉質爽滑，加大量小粒香蒜一齊炒，最後再加香蔥，食落惹味又香口😋美國牛肉薄燒 U.S. Beef Rolls：牛肉薄切肉質軟熟，中間包住大量蔥蒜，好食😋日本黑豚肉薄燒 Jap