Piccolo Pizzeria & Bar (沅紗街) (已結業)

有日收工過去西環搵朋友，誤打誤撞走左去piccolo，佢成間舖嘅裝潢佈置，以至侍應同食客都充滿外國感覺，周圍好多人都三五成群坐高椅飲酒傾計。我地得兩個人，又唔係好餓，叫左個aglio e olio意粉，加個pizza兩份。個意粉係重點，只有蒜片辣椒橄欖油，冇肉冇菇冇其他配料，但就真係好好食，每條意粉都沾滿有蒜香嘅橄欖油，好有彈性，而且食入口唔會好油好膩，又有少少辣，我地食到唔停口至於pizza，餐廳標榜係用石爐烤，正宗意式薄餅，唔會好厚批，熱辣辣食好香口！