阿里郎熱狗棒 (已結業)

前日同朋友去旺角行街，見到有一間舖頭好多人，睇下原來係一間新開無耐的韓式炸熱狗，店面的裝潢好光猛好吸睛，再加上見到其他人個舊都好大舊，確實令人好想食，所以我同朋友都想試下，我地都係揀左呢個薯條熱狗棒。下單後要叫號先有得食，因為佢係即叫即炸，可以睇住佢即時炸，所以保證新鮮熱辣。等左一陣就到我地了，會放係調味bar到，等我地可以按自己的喜好加醬汁，薯條當然要落茄汁啦，再加埋其他汁，好好味，而且外皮炸得脆卜卜好正，初時仲打算當小食食，但原來食完一舊都幾飽㗎。