金撈老鴨湯刺身火鍋專門店 (已結業)

開年飯，當然要食好嘢。搞手推介呢間食老鴨湯嘅火鍋店，訂咗位，唔使等 我哋先點個招牌富貴老鴨湯，鴨湯送來時，金光閃閃, 猴年大家一定襟撈 鴨上鋪有蟲草花同素翅；店員先幫我哋將素翅和蟲草花分在碗裏面，然後加湯和其他材料。飲第一啖湯覺得好鮮甜(帶點微酸)，好好味，再食蟲草花，素翅等，材料十足; 之後仲食埋D鴨肉，鴨肉好嫩又唔羶 另外叫咗象拔蚌刺身，好新鮮，個個食到冇停口。紫淮山同新鮮野生竹笙都係第一次食；紫淮山好爽脆，而且帶甜，同白色的淮山相比，紫淮山好食好多 新鮮野生竹笙好大隻，好厚肉，仲好爽，將佢吸埋D湯的精華，仲好味 鴨紅，又係第一次食；不過要焯10分鐘先食得，食落好軟滑，唔容易散，聽聞好補血，女仔食就最啱！仲有本地手切牛頸脊，黑柏葉，花膠/海參，北海道蟹腳/神秘丸/干貝滑同埋雜菜籃等等！小食有麻辣黃金皮蛋，佢同傳統嘅皮蛋唔同，金黃色，傳統嘅皮蛋味好重，但黃金皮蛋就不會。桂花糖鎮蕃茄，好香桂花味，帶甜，好有一種清新的感覺。樣樣都好好味，個個都食到好飽，好滿足！