果子｜海南雞飯·喇沙摻摻 (啟昌樓) (已結業)

行完上水華山，辛苦了半天，當然要好好慰勞一下自己，與朋友仔乘巴士到了太和找好嘢食，話說呢度有一間隱世小店食火山飽，咁就要試一試啦。果子名字有趣，原來是新加坡美食，交通便利，巴士，港鐵也到，行去唔駛十分鐘。當然我的首選是：（軟殼蟹辣蟹醬火山包$168）一真要讚軟殼蟹大件抵食，配菜仲要有海蝦，青口，蜆肉……開心哂。麵包仲十分香脆，加上辣蟹醬水yummy。小食係我朋友至愛（1）炸蝦餅$32：有四大塊，好抵食，好香口；（2）惹味吵嗲雞肉串燒$22：朋友最愛雞肉，可以說是日日有雞食，串燒雞肉吸，肉嫩加上吵嗲汁超花生味濃，令人食指大動。朋友很愛喝湯，所以必食肉骨茶煲$82，有小熱爐用慢火輕烤，藥材味唔會太濃太搶，相信已煮多時，骨肉輕輕一推就鬆開，加上豆卜，蒜頭，金針，美味無窮。當然仲有一杯甜的檸檬薏米水$20及朋友選的健康飲品：杞子牛蒡茶$24。令今日在完美中劃上句號。