越男仔

营业中

休息中

沙田除左新城市廣場覓食外，沙田圍站附近也有不少選擇，今次去了越南仔食野。這裡有不少選擇。越南野我必點的小食係越南蒜香牛油雞翼Garlic Buttered Chicken Wings。一碟有五隻。外層炸粉夠薄身，不會成口粉，又夠鬆脆，仲放了蒜蓉，味道夠突出，肉質夠嫩滑，入口有淡淡牛油味道。這款蒜香牛油雞翼好啱我口味。主菜選了手撕雞椰汁酸湯檬粉 Shredded Chicken w Vermicelli Noodle in Coconut Sour Soup。我見湯底係椰汁酸湯，幾特別，尤其適合依加天氣食。入口有椰香味道，帶點酸酸，幾開胃，手撕雞也幾好味，不會太硬和乾身。佢地推介調味三寶，包括蝦油蒜頭，青檸和指天椒，按照比例加入粉中，更滋味。飲品當然不少得越式咖啡 DeViet Coffee。咖啡滴漏出來，香味四散。我自己鍾意加入煉奶，飲的時候，又有另一番味道。原來這店已開業十三年，依加有優惠推出。