英皇紅酒扒房 (已結業)

想簡簡單單咁食餐西餐，但係又唔想去灣仔呀，銅鑼灣呀個啲，太遠啦。於是就去咗鰂魚涌嘅一間西餐廳，又近又方便去。蒜蓉包好香脆可口，忌廉南瓜湯夠濃郁，南瓜味都好香而且賣相都幾靚仔牛柳非常厚身，完全唔會韌，好嫩滑又入晒味！炸薯角又香口又脆，連埋啲汁一齊食堅係好好食！碟意粉落咗少少醋，所以酸酸地幾開胃，而且個軟殼蟹外脆內軟，好食又開胃，食得我好開心！雜果賓治嘅顏色好鮮艷，而且帶微酸，都好開胃雖然杯Lychee Paradise係青色，但其實係荔枝飲品嚟，仲有淡淡嘅荔枝香，好清新餐廳位置雖然未算十分就腳，但食物真心煮得幾好食，所以我本人覺得行多少少路都OK既~~