La Postre (永樂街) (已結業)

今晚準時收工, 約左一個好姊妹去上環食西班牙菜, 揀左高檯坐, 枱上有聖誕裝飾...侍應有禮貌招呼就坐之後就簡單介紹有咩菜式, 商量完我地揀好食乜啦～黑松露薯條 – 真係要讚店家大方, 平時其他地方食呢個小食, 碟醬都得好少, 有啲要求refill 仲要加錢, 呢到俾夠2碟你~炸海鮮拼盤 – 有好多款唔同既海鮮, 包括魚、蠔、帶子、尤魚、蟹蓋, 份量夠, 炸得岩岩好唔會過濃, 配埋4款唔同既醬汁, 有辣有酸有普通沙拉醬...好惹味~特別個蟹蓋，入面全是蟹肉！西班牙豬手 – 呢個好特別, 廚房將豬手起肉, 然後淋上蜜糖，撈埋唔同既椒類配料豬手皮香脆, 夾埋配料食又有唔同口感~好似沙律咁！什果麻糬窩夫 – 女仔食甜品係有第2個胃, 所以我地食到好飽都可以食得落一整份窩夫, 窩夫熱辣辣得黎底層麻糬好煙韌,配埋生果同吉士, 我地要爭食, 哈哈野飲我地嗌左青檸蜜桃沙冰同埋鮮製什果沙冰, 味道好清新唔會太甜, 不錯~餐廳雖然位處商業區既大廈,但係好多人幫襯,晚飯時間全場滿哂,去食最好book位先！