食之劇場餐廳 (已結業)

趁天氣幾好就去白沙灣和三星灣玩水，中途係the pier 酒店旁既日式餐廳食午餐。我叫了份西京燒 ，廚師用了四日泡製既西京燒 ，好入味。首先每個餐都有沙律，主菜和甜品。沙律清甜易入口，幾開胃。前菜牛脥面肉配豆腐，一咸一淡味，好夾。主菜：餐廳選用了日本銀鱈魚，切到一吋厚既大小 ，第一日用鹽醃好，清走表面既水再瀝乾。再用秘製既西京燒醬汁去醃多2晚，就會泡製出惹味又嫰口既西京燒。剩係諗起都流哂口水。最後有和歌山草莓和hand made tiramisu，為今餐劃上完美既句號。加上親切既服務態度和開揚既海景，真係好滿足呀。