小南國 (已結業)

呢晚碌左出沙田，班老友幫我提早慶祝生日。 選擇呢到食既原因係想食大閘蟹 ，所以班朋友先攞左位，我六點半就去到，門口好多人等。 我地五個人，叫左個二人大閘蟹餐再加其他野食 大閘蟹四隻，鮮甜，但太細隻，唔係好夠喉。皮蛋豆腐，好好食，豆腐好嫰滑，皮蛋食完齒夾流香。上海炒年糕，年糕好彈牙，配埋雪菜同豬肉絲，成碟都好味，又唔肥膩。鹵水豬腩肉，好肥膩的一道，但好香口，食一件就夠，底有d菇，好食，可中和下肉既肥膩。炒飯，配搭簡單，金華火腿碎同菜粒，好味又唔油。蟹粉豆腐，好食，蟹粉好香，但再多d仲好。蟹粉小籠包，一個小籠跟一個，好別緻，咬落去好多湯汁，好好味芝麻小湯圓，芝麻好香好正，太小粒唔夠喉，薑湯可再落多d薑仲正！整體好滿意，評分8/10好多謝班中學老友，愉快的星期天是也。