蛇王燊

营业中

休息中

每年天氣轉凍，都會嚟呢間蛇王燊食煲仔飯同蛇羹。朝早一起身，溫度跌到11度，所以收工就走咗去食蛇羮。一去到見到menu啲嘢食同舊年一樣,價錢只係加咗幾蚊，還可以接受。於是乎就叫咗個B餐，有些蛇湯、蛇羹同田雞煲仔飯，另外再嗌左一杯蛇酒。舖頭有檸檬葉重一啲脆脆，加埋落蛇羹嗰度食一流，蛇羹啖啖肉，非常滿足。田雞煲仔飯入邊加咗少少姜，食起上嚟非常好味，而且田雞肉好彈牙，非常推薦。杯蛇酒係老闆獨家秘方釀製，入邊加咗蛇膽，三十幾蚊唔算貴，大家黎到可以試下。最後飲埋碗蛇湯，成個冬天都唔怕凍。