泰濃麵 (蘭芳道) (已結業)

今日中午食泰國菜，去咗有間食船麵嘅，湯底有三款選擇，船湯、冬陰公、清湯，船湯用五香粉、豬血做，最傳統有特色。今日點的：頂級安格斯牛肉船湯金邊粉泰式海南雞飯泰式炸蝦餅烚生菜配秘製腐乳醬泰式蝶豆花特飲 加$18泰式龍眼冰特飲 加$18蝦餅又脆又彈有蝦味，甜酸醬好夾。生菜係原味嘅，焦點在秘製腐乳醬，調得好味，香而唔鹹。船麵有桂皮五香香味，湯濃味，湯底深色，味道濃郁好味，安格斯牛肉幾嫩，仲配了兩粒魚蛋好夾，全面屬於重口味的湯粉，水準到位，鍾意就啱。海南雞飯雞軟滑有雞香，汁調得好，有少少酸味，好食，飯好似加咗黃姜粉的色，有雞油香，好好食。蝶豆花特飲色澤靚，可當作糖水享用。龍眼冰特飲，可口。總結食物唔錯，價錢合理。